ကြီးထွားရင့်ကျက်နည်း သင်ခန်းစာ (၂၃)

ဆရာမောဇက်ထောင်ကျုံး

ခလေးများကြီးထွားဘို့ ရန်အောက်ပါအချက်များရှိဘို့လိုအပ်သည်။  ကျန်းမာခြင်း၊ အစာစားသောက်ခြင်း၊ ကိုယ်လက်လှုပ်ရှားခြင်း၊ အနားယူခြင်း၊  နှင့်အချိန်များလိုအပ်သည်။ ထိုအရာများပြည့်စုံပါက ကြီးထွားခြင်းသည် အလိုလို ဖြစ်သည်။

အစားအစာ

ခလေးများကြီးထွားရန် ပဌမဦးဆုံးနို့ စို့ ရသည်။ မိခင်နို့သည် ခလေးများ အတွက် အကောင်းဆုံးဖြစ်သည်။ ထိုနည်းတူ ၀ိညာဉ်ပိုင်း၌လည်းဝိညာဉ်နို့ သောက် ဘို့ လိုသည်။ ကျမ်းစာက- ထို့ ကြောင့်သင်တို့ သည် သခင်ဘုရား၏ ကျေးဇူးတော်ကို မြည်းစမ်း ကြသည်ဖြစ်၍ အမျုိုးမျိုးသော မနာလိုခြင်း၊ လှည့်ဖျား ခြင်း၊ လျှို့ ဝှက်ခြင်း၊ ငြူစူခြင်း၊ ကဲ့ ရဲ့ ခြင်းရှိသမျှကို ပယ်ရှား၍ ကယ်တင်ခြင်း အလိုငှါ နှုတ်ကပတ်တော် တရား၏ နို့ စစ် အားဖြင့် ကြီးပွားမည့် အကြောင်း ဘွားစသောသူငယ်ကဲ့သို့ ထိုတရားနို့ ကို အလွန် လိုချင်သော စိတ်ရှိကြလော့-ဟုဆိုသည် (၁ ပေ၊၂း၁-၃)။

ခလေးနို့ မစို့လျှင် မကြီးထွားနိင်သကဲ့သို့  ၀ိညာဉ်လူ လည်း နှုတ်ကပတ် တော်နို့ စစ်ကို မစို့ လျှင် မကြီးထွားနိင်ချေ။ နှုတ်ကပတ်တော်သည် ၀ိညာဉ်နို့ ဖြစ်သောကြောင့်ဖတ်ရှုလေ့လာရမည်။ အချို့ သောသူများသည် ကြားနာခြင်း အားဖြင့်သာလျှင် နှုတ်ကပတ်တော်ကို ခံယူကြသည်။ ကိုယ်တိုင်ဖတ်ရှုလေ့ လာခြင်းမရှိ။ ထိုသို့ သောသူသည်မကြီးထွားနိင်။ နှုတ်ကပတ်တော် မဖတ်ဘဲ ကြီးထွားနိင်သောဖြတ်လမ်းမရှိ။ ထိုကြောင့်ကြီးထွာလိုလျှင် နှုတ်ကပတ်တော်ကို ဖတ်ရှုလေ့ လာရမည်။



ဆုတောင်းရမည်

ကိုယ့်အစွမ်းအစအားဖြင့် ဘုရားသားမဖြစ်နိင်သကဲ့သို့  ကိုယ့်အစွမ်း အစအားဖြင့် ခရစ်ယာန်အသက်တာ အသက် မရှင်နိင်ပါ။ခရစ်ယာန်အသက်တာကို ဘုရားသခင်၏တန်ခိုးအားဖြင့်သာရှင် နိင်သည်။ သခင်ယေရှုက- ငါနှင့်ကွာလျှင် သင်တို့ သည် အဘယ်အမှုကိုမျှ မတတ်နိင်ကြ-ဟုဆိုခဲ့သည် (ယော၊ ၁၅း၅)။ ထို့ ကြောင့်ကြီးထွားရင့်ကျက်ရန် ဆုတောင်းဘို့ လိုသည်။ ဆုတောင်းခြင်းသည် လက်မြှောက် အရှုံးပေးခြင်း  ဘုရားသခင်ကို လုံးဝဥသုန် အားကိုးခြင်းဖြစ်သည်။  ဘုရားသခင်နှင့် အစဉ်ဆက်သွယ်ဘို့ လိုသည်။

မိဿဟာရဖွဲ့ ခြင်း

ခလေးများကြီးထွားဘို့ရန် ဆော့ကစားခြင်းလည်း လိုအပ်သည်။ထို့ နည်းတူ ယုံကြည်သူများလည်း အခြားသူများနှင့် ထိတွေ့ မှု မိဿဟာရဖွဲ့ ဘို့ လိုအပ်သည်။ ယုံကြည်သူများနှင့်တွေ့လျှင် အချင်းချင်းတိုက်တွန်းခြင်း၊ သက်သေခံခြင်း၊ ကျေးဇူးတော်ချီးမွမ်းခြင်း ဆုံးမသွန်သင်ခြင်းများပြုလုပ်ခြင်း အားဖြင့် ၀ိညာဉ်ရေးရာ၌ ကြီးထွားရင့်ကျက်နိင်သည်။ ထို့ကြောင့်အချင်းချင်း စည်းဝေးခြင်းအမှုကို မရှောင်မလွဲကြနှင့်၊ အချင်းချင်းတို့ ကို တိုက်တွန်း နိုးဆော်ကြလော့။ကာလ အချိန်ရောက်လုနီးသည်ကို ထောက်သဖြင့် သာ၍ကြိုးစားကြ လော့- (ဟေဗြဲ ၊၁၀း၂၅)။

အနားယူခြင်း

ခလေးများကြီးထွားရန် အိပ်စက်အနားယူဘို့လိုသည်။ ခလေးငယ် လေလေ ပို၍အအိပ်များလေလေဖြစ်သည်။ ၀ိညာဉ်ရေးရာ ၌လည်း အနားယူဘို့ လိုအပ်သည်။ မည်ကဲ့သို့  အနားယူမည်နည်း။ အနားယူခြင်းသည် အလုပ်မလုပ်ခြင်း၊ သူ တပါးကို အားကိုးခြင်း ဖြစ်သည်။ ဘုရားသခင်ကိုအားကိုးခြင်းအားဖြင့် အနား ယူနိင်သည်။ သခင်ယေရှုက-၀န်လေး၍ပင်ပန်း သောသူ အပေါင်းတို့ ငါ့ ထံသို့  လာကြလော့။ ငါသည် ချမ်းသာပေးမည်- ဟုလက်ကမ်းကြိုနေသည် (မဿဲ၊၁၁း၂၈)။

လူတိုင်း၌၀န်ထုတ်ဝန်ပိုးများရှိကြသည်။ထိုအရာများ ကို သခင်ခရစ်တော် က ထမ်းပေးချင်သည်။ ထို့ ကြောင့် သူ့ ကို မိမိ၏ ၀န်ထုတ်များအပ်နှံဘို့ လိုအပ်သည်။ ၀န်ထုတ်ဝန်ပိုးများရှိနေလျှင် ၀ိညာဉ်ရေးရာ၌ ကြီးထွားရင့်ကျက်ခြင်းမရှိနိင်ချေ။  လောက၌ ရှိကြသေးသောကြောင့် ဆင်းရဲဒုက်္ခများရှိရဦးမှာ ဖြစ်သည်။ ထို့ ကြောင့် သခင်ယေရှုက-သင်တို့ သည် ဤလောက၏ ဆင်းရဲဒုက္ခကို ခံရကြလိမ့်မည်။ သို့ သော်လည်း မစိုးရိမ်နှင့် ငါသည်လောကကိုအောင်ပြီ-ဟုမိန့် တော်မူ၏။ (ယော၊၁၆း၃၃)။

ခရစ်တော်၌ များများအနားယူခြင်းဖြင့် ၀ိညာဉ်ပိုင်း၌ ပို၍ ကြီးထွားနိင်သည်။  ဆက်လက်၍- အဘယ်သူသည်စိုးရိမ် ခြင်းအားဖြင့် မိမိအသက်တာကို တတောင်ခန့်မျှ တိုးပွါးစေနိင်သနည်း-ဟုဆိုသည်  (မဿ၊ဲ ၆း၂ရ)။ စိုးရိမ် ပူပန်ခြင်းဖြင့် ၀ိညာဉ်ပိုင်း နေမကောင်း ဖြစ်စေသည်။ ထို့ ကြောင့်-ထာဝရ ဘုရားကို စိတ်နှလုံးအကြွင်းမဲ့ကိုးစားလော့။ ကိုယ့်ဥာဏ်ကိုအ မှီမပြုနှင့်။ သွားလေ ရာရာ၌ ထာဝရဘုရားကို မျက်မှောက်ပြုလော့။ သို့ပြုလျှင်သင်၏ လမ်း ခရီးတို့ ကို ပဲ့ပြင်တော်မူမည်။ ငါသည်ပညာရှိသည်ဟု ကိုယ်တိုမထင်နှင့်။ထာဝရဘုရားကို ကြောက်ရွှုံ ဒုစရိုက်ကိုရှောင်လေ့ာ။သို့ပြလျှင် သင်၏အ ကြောတို့ သည်အားသန်၍ အရိုးတို့ သည် ခြင်ဆီနှင့် ပြည့်စုံကြ လိမ့်မည်- (သုတ္တံ၊ ၃း၅-၈)။

ကျန်းမာဘို့ လိုသည်

ခလေးများကြီးထွားဘို့ ရန် ကျန်းမာဘို့ လိုသည်၊ မည်မျှ ပင်စားသော်လည်း မကျန်းမာပါက ကြီးထွားနိင်မည် မဟုတ်။ ထို့ နည်း တူဝိညာဉ်ပိုင်း၌လည်း ကျန်းမာ ဘို့လိုသည်။ ၀ိညာဉ်ပိုင်း နေမကောင်းစေသောအရာသည် အပြစ်ဖြစ်သည်။ ယုံကြည်သူတယောက်အပြစ် ကျူးလွန်သောအခါ ကြီးထွားမှု ကိုရပ်တန့် စေသည်။  ဆာလံဆရာက-ငါသည်အပြစ်ကိုမဖေါ်ပြဘဲနေစဉ်အခါ တနေ့လုံး ညည်းတွား သောအားဖြင့် ငါ့အရိုး တို့ သည်ဆွေးမြေ့ခြင်းသို့ ရောက်ရ ကြ၏။ နေ့ ညမပြတ်ကိုယ်တော်၏လက်သည် အကျွန်ပ် အပေါ်မှာ လေး၍ အကျွန်ပ်၏ ချွေးရည်သည် နွေကာလ၌ခြောက်သွေ့ ခြင်းကဲ့သို ဖြစ်၏- ဟုဆိုသည် (ဆာ၊၃၂း၃-၄)။



နေမကောင်းသောသူသည်ဂရုစိုက်ရသည်။ ဆေးသောက်ရသည်။ ကုသပေးရသည်။ သို့ မှသာ ကျန်းမာ၍ကြီး ထွားန်ိင်ပေမည်။ ထို့ နည်းတူ ၀ိညာဉ်ပိုင်းကျန်းမာဘို့ ရန် အ ပြစ်များကို ဘုရားသခင်ထံ ၀န်ချတောင်းပန်ရမည်။  ကျမ်းစာ က-တဖန်အကျွန်ပ်သည် ကိုယ်အပြစ်ကိုရှေ့ တော်၌၀န်ချပါ ၏။  ပြုမိသောဒုစရိုက်ကိုဝှက်၍မထားပါ။ ငါလွန်ကျူးသောအရာကို ထာဝရ ဘုရားအား ဖေါ်ပြ တောင်းပန် မည်ဟုပြောဆိုသောအခါ ကိုယ်တော်သည် အကျွန်ပ်ပြစ်မှားခြင်းအပြစ်ကို လွှတ်တော်မူ၏- (ဆာ၊၃၂း၅)။ လူသည်အပြစ်မရှိလျှင်ရောဂါမရှိ။ ရောဂါမရှိလျှင်ကျန်းမာ၍ကြီးထွားဘို့ ရန်သာရှိတော့သည်။

အချိန်စောင့်ဘို့ လိုသည်

ခလေးကြီးထွားရန် အချိန်စောင့်ဘို့ လိုသည်။ မည်မျှပင် ဂရုစိုက် ကျွေးမွေးပြုစုသော်လည်း နေ့ ချင်းညချင်းမကြီးထွားနိင်။ ထို့  နည်းတူ ၀ိညာဉ်ပိုင်း လည်း အချိန်စောင့်ဘို့ လို သည်။ ဟေဗြဲစာရေးသောသူက ဤသို့ ရေးသည်- သင်တို့ သည် ကာလကြာသောကြောင့် ဆရာအဖြစ်သို့ ရောက်သင့် သော် လည်း-ကြေခဲသောအစာကိုမသုံးဆောင်။ နို့ ကိုသာ သုံးဆောင်ရ သော သူဖြစ်ကြ၏- (ဟေ၊၅း၁၂)။ ဤနေရာကာလအချိန်ကြာသောအခါ ကြီးထွား ရင့်ကျက်သော ဆရာအဖြစ်သို့ ရောက်သင့်ကြောင်း သိရသည်။ ထို့ကြောင့်ယုံကြည် သူများသည် ကြီးထွားရင့်ကျက်ဘို့  အချိန်စောင့်ဘို့ လို ကြောင်းသိရသည်။

ရင့်ကျက်ခြင်း

ရင့်ကျက်ခြင်းသည် ကြီးထွားခြင်း၏ အသီးအပွင့် သို့ မဟုတ် အဆက်ဖြစ် သည်။ ကိုယ်ခန္ဓာရင့်ကျက်ခြင်းသည် မျိုးဆက်ပြန့်  ပွါးစေနိင်သည်။ စိတ်ပိုင်းဆိုင်ရာ ကြီးထွားခြင်းသည် အသိဥာဏ်ဗဟုသုတ ပွားများခြင်းဖြင့်ရရှိနိင်သည်၊ ရင့်ကျက် ခြင်းမူကား ရရှိထားသော အသိဥာဏ်ကို အသုံးပြုခြင်းအား ဖြင့်ရရှိနိင်သည်။  ကျောင်းသားဖြစ်စဉ်တွင် ရင့်ကျက်ခြင်းမရှိသော်လည်း ကြီးထွားသည်။ ထို ကျောင်းသား သည် ဆရာ ဖြစ်လာသောအခါ ကြီးထွားခြင်းရပ်၍ ရင့်ကျက်လာ သည်။ ကြီးထွားစဉ်တွင် ဆော့ကစားချင်၍ ဣဒြေစောင့်ခြင်းမရှိ။ သို့ သော် ဆရာ ဖြစ်လာသောအခါရင့်ကျက်ခြင်း၏လက္ခဏာဖြစ်သော ဣဒြေစောင့်ခြင်းသည် အလိုလို ဖြစ်လာသည်။ ထိုဆရာသည် ကျောင်းပြန်တက် ပါက ကြီးထွားပြန်၍ ခလေးစိတ်ပြန်ဝင်လာမှာဖြစ်သည်။ တပည့်တော်များလည်း သခင်ယေရှုနှင့်နေ စဉ်တွင်အလွန်ခလေးဆန်ကြသည်။ ယောဟန်နှင့်ယာကုပ်ညီအစ်ကိုတို့လည်း လောကီရာထူးရရှိဘို့  သခင်ယေရှုထံ၌ တောင်းခဲ့ကြသည်။ ကျန်သော တပည့်တော် များကလည်း ခလေးစိတ်ရှိကြသောကြောင့် ထိုညီအစ်ကို နှစ်ယောက်အပေါ်တွင် မနာလိုကြ၍ စိတ်ဆိုး ကြသည်(မဿဲ၊၂၀း၂၀-၂၄)။ အဘယ်သူသည်အ ကြီးမြတ်ဆုံး ဖြစ်ကြောင်းကိုလည်း သိချင်ကြသည် (မ၊၁၈း၁)။ ထိုသို့ ဖြစ်ရခြင်းသည် သင်တန်းသား ဖြစ်ခြင်းကြောင့်ဖြစ်သည်။ သူတို့  သခင်နှင့်ခွဲခွါပြီး သောအခါ တွင်မူ ရင့်ကျက်လာကြသောကြောင့် ခလေးအကျင့် များမတွေ့  ရတော့ဘဲ လူကြီး ကဲ့သို့ ပြောဆိုကြသည်။ သတ်္တိလည်းရှိကြသည်။ လူအကြီးအကဲများကိုလည်း မကြောက်တော့ဘဲ ပြတ်ပြတ်သားသားရင် ဆိုင်ရဲကြသည်။

ထို့ ကြောင့်ဝိညာဉ်ရေးရာ၌လည်း သူတပါးထံ၌ သင်ယူနေလျှင် ကြီးထွား ခြင်းရှိသော်လည်း ရင့်ကျက်ခြင်းမရှိနိင်။ ကြီးထွား လိုလျှင်သင်တန်းသားလုပ်၍ ရင့်ကျက်လိုလျှင်ဆရာလုပ်ရမည်။ တပြိုင်တည်းကြီးထွား ရင့်ကျက်လိုလျှင် သူတပါး ထံတပည့်ခံ၍ အခြားသူ များကိုလည်းသင်ပေးရမည်။  ကြီး ထွားရင့်ကျက် သောသူ သည် လုပ်ငန်းအောင်မြင်နိင်သည်။  ပြသနာကိုလည်းဖြေရှင်းနိင်သည်။ သူတပါး ကိုလည်း တည် ဆောက်နိင်သည်။ ဘုရား၏ဘုန်းတော်လည်းထင်ရှား၍ လူ များကို ဆွဲဆောင်နိင် ဦဆောင်နိင်သည်။



သင်ခန်းစာ (၂၃) မေးခွန်းများ

၁။            ၀ိညာဉ်ပိုင်းအတွက် နို့ သည် -------------ဖြစ်သည်။

၂၊။            ကျမ်းစာမဖတ်ဘဲကြီးထွားနိင်သလော ---------------။

၃။            ဆုတောင်းခြင်းသည် -------------- ဖြစ်သည်။

၎။            မိဿဟာရဖွဲ့ ခြင်းအဘယ်ကြောင့်အရေးကြီးသနည်း။-----------------------

၅။            အနားယူခြင်းသည် --------------- ဖြစ်သည်။

၆။            ၀ိညာဉ်နေမကောင်းစေခြင်းသည် --------------- ဖြစ်သည်။

ရ။            အပြစ်သည်ဝိညာဉ်ကြီးထွားမှုကို --------------- စေသည်။

၈။            ၀ိညာဉ်ပိုင်းကြီးထွားရင့်ကျက်ရန် --------------- လိုသည်။

၉။            တပည့်ခံခြင်းဖြင့် --------- ၍သူတပါးကို သင်ပေးခြင်းဖြင့် -------- စေသည်။

၁၀။ ကြီးထွားရင့်ကျက်ခြင်း၏အကျိုးများဖေါ်ပြပါ။ -----------------------------

---------------------------------------------------------------------



ဆရာမောဇက်ထောင်ကျုံး

ဖန်ဆင်းခြင်းသက်သေများ(၆)

ခွင့်ထူးခံစား လူသားကမ္ဘာ

(လှမင်းသူ)
"ဘုရားသခင်ဟာ သူ့ အကြောင်းနားလည်သိရှိနိုင်ဖို့  လူသားများကို စာအုပ်နှစ်အုပ် ပေးထားပါတယ်။ ပထမစာအုပ်ကတော့ သဘာဝလောကကြီး ဖြစ်ပြီး ဒုတိယစာအုပ်ကတော့ သမ္မာကျမ်းစာ ဖြစ်ပါတယ်"
ဘီလီဂရေဟမ်
ဘုရားသခင်က ပထမစာအုပ်ဖြစ်တဲ့ သဘာဝလောကကြီးမှာ သူ့ ရဲ့ ဖန်ဆင်းထားခြင်းလက်ရာတွေကို လူသားတွေ မြင်တွေ့ ဖတ်ရှုစေချင်ပါတယ်။ ဒုတိယစာအုပ်ဖြစ်တဲ့ သမ္မာကျမ်းစာထဲမှာတော့ သူရဲ့ အကြောင်းနဲ့ သားတော် ယေရှု ခရစ် အကြောင်းကို လူသားတွေ သိရှိဖတ်ရှုစေချင်ပါတယ်။ ခေတ်အဆက်ဆက်မှာ လူသားများဟာ ပထမစာအုပ်ဖြစ်တဲ့ သဘာဝလောကကြီးကို ဖတ်ရှု ခဲ့ကြပါတယ်။ အဲဒီလို ဖတ်ရှုခဲ့သူတွေထဲမှာ အချို့ ကတော့ သဘာဝလောကကြီးနဲ့  စင်္ကြာဝဠာကြီးဟာ ရည်ရွယ်ချက်ရှိရှိနဲ့  အဓိပ္ပါယ်ရှိစွာ တည်ဆောက်ထားတာကို တွေ့ မြင်သွားကြပေမဲ့၊ အချို့ သောသူများကတော့ ရည်ရွယ်ချက်မရှိပဲ မတော်တဆ ဖြစ်ပေါ်လာတဲ့ အဓိပ္ပါယ်မဲ့ သဘာဝလောကကြီးလို့ ထင်မြင်သွားကြသူများလည်းရှိပါတယ်။ ရည်ရွယ်ချက်ရှိရှိနဲ့ တည်ဆောက်ထားတယ်လို့ တွေ့ မြင်သူများအနေနဲ့ ကတော့ ဘုရားဆိုတာ ရှိတယ်လို့ ခံယူသွားကြပြီး၊ ဘုရားက သူ့ အကြောင်း ဖော်ပြထားတဲ့ သမ္မာကျမ်းစာကို ဆက်လက်ဖတ်ရှုကြရင်းနဲ့ ကယ်တင်ခြင်းဆုကျေးဇူးကို ရရှိသွားတတ်ကြပါတယ်။ ဒါပေမဲ့ ပထမစာအုပ်ကို ဖတ်တဲ့နေရာမှာ ရည်ရွယ်ချက်မဲ့စွာ ဖြစ်လာပါတယ်လို့ မှားယွင်းစွာ ခံယူမိတဲ့ သူများအတွက်ကတော့ ဒုတိယစာအုပ်ဖြစ်တဲ့ သမ္မာကျမ်းစာကို ဖတ်ရှုဖို့ စိတ်တောင်မကူးကြတော့ပါဘူး။ အဲဒီလိုလူမျိုးများအတွက် ပထမစာအုပ်မှာကို အောင်မြင်စွာ မဖတ်နိုင်လို့ ဆုံးရှုံးရတာထက်၊ ဒုတိယစာအုပ်ကို ဆက်ဖတ်ကြဖို့ စိတ်မကူးတာကြောင့် လက်လွှတ်သွားတဲ့ ဆုံးရှုံးမှုကြီးဟာ ပိုလို့ကို ကြီးမားလှပါတယ်။ ဒါကြောင့် ပထမစာအုပ်ဖြစ်တဲ့ သဘာဝလောကကြီးကို အောင်မြင်စွာ ဖတ်ရှုနိုင်ဖို့ ရန် အင်မတန်မှ အရေးကြီးလှပါတယ်။
ရည်ရွယ်ချက်မဲ့ ဖြစ်တည်လာသည့် ကမ္ဘာကြီးလော?



လူသားများဟာ လေ့လာစူးစမ်းတတ်ကြသူများ ဖြစ်ပါတယ်။ မိမိပတ်ဝန်းကျင်မှာရှိတဲ့ ကုန်းမြေပြင်၊ရေပြင်၊လေပြင် ထဲက သက်ရှိသက်မဲ့ အရာတွေအားလုံးကို မနားတမ်း လေ့လာစူးစမ်းခဲ့ကြပါတယ်။ ကမ္ဘာမြေကြီးပေါ်ကအရာတွေကို မြေလှန်ရှာဖွေ လေ့လာလို့ မကုန်ဖြစ်နေတဲ့ ကြားထဲကပဲ ကမ္ဘာမြေကြီးထက်မှာရှိတဲ့ အာကာသ ဟင်းလင်းပြင်ကို လေ့လာစူးစမ်းချင်စိတ်ကလဲ ဖြစ်ပေါ်လာကြပြန်ပါသေးတယ်။ လူသားတွေဟာ စူးစမ်းချင်စိတ်နဲ့ ကြိုးစားတီထွင်ခဲ့တာကြောင့် အာကာသထဲကို ရောက်နိုင်မဲ့နည်းလမ်းများကို ရှာဖွေတွေ့ ရှိခဲ့ကြပါတယ်။ ဒုံးပျံတွေ၊ အာကာသယာဉ်တွေကို တည်ဆောက်ခဲ့ပြီး အာကာသ နယ်မြေသစ်ထဲကို ခြေဆန့် နိုင်ခဲ့ကြပါတယ်။ ၁၉၆၁ ခုနှစ်မှာ ယူရီ ဂါဂါရင် ဟာ vostok အမှတ်စဉ်(၁) အာကာသယာဉ်ကို စီးနင်းပြီး ပထမဆုံးအကြိမ် အာကာသထဲကို တိုးဝင်နိုင်ခဲ့ပါတယ်။ နောက်နှစ်များမကြာမှီမှာပဲ အမေရိကန်ပြည်ထောင်စုက အပိုလို အာကာသယာဉ် အမှတ်စဉ်(ဂ) ကို လကမ္ဘာဆီကို လွှတ်တင်ခဲ့ပါတယ်။ အပိုလို(၈) အာကာသယာဉ် အဖွဲ့ သားများဟာ လကမ္ဘာပတ်လမ်းကြောင်းမှာ ပတ်နေစဉ်အတွင်း လှပလွန်းလှတဲ့ ကမ္ဘာကြီးကို ရင်သပ်ရှုမော တွေ့ မြင်ခဲ့ကြပါတယ်။ ခန်းနားကြီးကျယ်လွန်းလှတဲ့ အဲဒီမြင်ကွင်းကို တွေ့မြင်လိုက်ရတဲ့ အာကာယာဉ် အဖွဲသားများဟာ ကမ္ဘာဦးကျမ်း ၁း ၁-၁၀ ကို စိတ်လှုပ်ရှားခြင်းကြီးမားစွာနဲ့  တလှည့်စီ ရွတ်ဆိုခဲ့ပါတယ်။ ( အာသာသယာဉ် အဖွဲ့ သားများ ကမ္ဘာဦးကျမ်းမှ ကျမ်းပိုဒ်များ ရွတ်ဆိုခဲ့သည့် အသံများကို နားထောင်ရန် နှိပ်ပါ။)



အပိုလို အမှတ်စဉ်(၈) နောက်ပိုင်းမှာ အပိုလို (၁၁) ကို လွှတ်တင်ခဲ့ပါတယ်။ အာကာသယာဉ်မှုး အမ်းစထရောင်းဟာ လကမ္ဘာပေါ်ကို ပထမဦးဆုံး အောင်မြင်စွာ ခြေချနိုင်ခဲ့ပြီး ဘုရားသခင်ကို အမှတ်ရ ကျေးဇူးတော်ချီးမွမ်းတဲ့အနေနဲ့ လကမ္ဘာပေါ်မှာပဲ ပွဲတော်စားခဲ့ပါတယ်။ လူလိုက်ပါစီးနင်းတဲ့ အာကာသယာဉ်များ လွှတ်တင်အပြီးမှာတော့ အမေရိကန်ပြည်ထောင်စုဟာ လူမဲ့ အာကာယာဉ်များကို ဆက်တိုက် လွှင့်တင်ခဲ့ပါတယ်။ ဗွိုင်ယေဂျာ (၁) နဲ့  (၂) ကို နေမိသားစုဝင် ဂြိုလ်များကို လေ့လာစူးစမ်းဖို့  ၂၀၀၄ ခုနှစ်ထဲကစပြီး အာကာသထဲ လွှတ်တင်ခဲ့ပါတယ်။ အဲဒီယာဉ်နှစ်စီးဟာ နေမိသားစုထဲက ဂြိုလ်များကို အနီးကပ်လေ့လာခဲ့ပြီး ဂြိုလ်များရဲ့ အချက်အလက်နဲ့ ဓါတ်ပုံများကို ပြန်လည်ပေးပို့ ခဲ့ပါတယ်။ ယခုနှစ် ၂၀၁၁ မှာ ဗွိုင်ယေဂျာ (၁) ဟာ နေမိသားစုကြီးရဲ့ အစွန်အဖျားမှာ ရောက်ရှိနေပါပြီ။ ဗွိုင်ယေဂျာ (၁) ဟာ အဲဒီ အစွန်အဖျား အရပ်ကနေ လူသားတွေရှိတဲ့ ကမ္ဘာဘက် ကင်မရာကို လှည့်ပြီး ဓါတ်ပုံများကို ရိုက်ကူး ပြန်ပို့ ခဲ့ပါတယ်။ ပေးပို့ ခဲ့တဲ့ ပုံတွေထဲမှာ ကမ္ဘာကြီးကို နေရဲ့ အလင်းရောင်ခြည်တန်းလေးထဲမှာ သေးငယ်လွန်းလှတဲ့ အပြာရောင် အစက်အပျောက်တခုလေးအဖြစ်သာ မြင်ရပါတော့တယ်။ အဲဒီ ဓါတ်ပုံများကို မြင်လိုက်ရတဲ့အခါ ကမ္ဘာပေါ်က လူသားများရဲ့ စိတ်ထဲမှာ "သေးငယ်လွန်းလှတဲ့ ဒီကမ္ဘာကြီးဟာ ဘုရားသခင်အတွက် အရေးပါတာမှ ဟုတ်ပါလေစ" ဆိုတဲ့ အတွေးတွေ ဖြစ်ပေါ်လာခဲ့ပါတယ်။ ဒါ့အပြင် " ဒီသေးငယ်လွန်းလှတဲ့ ကမ္ဘာကြီးပေါ်မှာ မှီတင်းနေထိုင်ကြတဲ့ လူသားများကိုကော ဘုရားသခင် ဂရုစိုက်ပါ့မလား " ဆိုတဲ့ သံသယဟာလည်း ကြီးထွားလာခဲ့ကြပါတယ်။
" လက်ညိုးတော်အလုပ်တည်းဟူသော ကိုယ်တော်၏ မိုဃ်းကောင်းကင်ကို၎င်း၊ ပြင်ဆင်တော်မူ သောလနှင့် ကြယ်များကို၎င်း၊ အကျွန်ုပ်ဆင်ခြင်သော်၊
လူသည်အဘယ်သို့သောသူဖြစ်၍ ကိုယ်တော်သည် အောက်မေ့တော်မူရသနည်း။"
(ဆာလံ ၈း၎)
နှစ်ပေါင်းများစွာက ဆာလံဆရာရဲ့ အတွေးကို ၂၁ရာစု လူသားများ တကြော့ပြန် တွေးတောလာကြပါတယ်။ လူသားတွေဟာ စင်္ကြာဝဠာကြီးထဲမှာ တကယ်ပဲ အရေးပါကြပါရဲ့လား။

ဘီစီ ၄၀၀ ကျော်နှစ်များက နာမည်ကြီး ဂရိတွေးခေါ်ပညာရှင်များဖြစ်သူ အရစ်တိုတယ်(လ်) နဲ့ တိုလမီ တို့ က နေ၊လ နက္ခတ်တာရာများဟာ ကမ္ဘာကြီးကို ဗဟိုပြုပြီး လည်ပတ်နေတယ်လို့  ဆိုခဲ့ပါတယ်။ Geocentric View လို့ ခေါ်တဲ့ အဲဒီအမြင်မှာ ကမ္ဘာဟာ ရွေ့ လျားမှုမရှိပဲ တနေရာတည်းမှာသာ ရပ်နေပြီး၊ ကျန်တဲ့ ကောင်းကင်ထက်က အရာတွေဟာ ကမ္ဘာကို လည်ပတ်နေရတယ်လို့ လဲ ဆိုပါတယ်။ အဲဒီအမြင်ကြောင့် လူသားတွေဟာ စင်္ကြာဝဠာတခွင်မှာ အရေးပါအရောက်ဆုံးသူများ ဖြစ်ကြတယ်လို့  သူတို့ ကိုယ်သူတို့ ခံယူခဲ့ကြပါတယ်။ အဲဒီအမြင်ကို ရာစုနှစ်ပေါင်း ၁၈ ရာစုကြာအောင် ကိုင်ဆွဲထားခဲ့ကြပါတယ်။ ဒါပေမဲ့ ၁၅၄၃ ခုနှစ်ရောက်တော့ ကော့ပါးနီးကပ် ဆိုသူက နေ၊လ၊နက္ခတ်တွေဟာ ကမ္ဘာကို ၀န်းရံလည်ပတ်နေတာ မဟုတ်ပဲ၊ ကမ္ဘာအပါအ၀င် ကျန်တဲ့ ဂြိုလ်များကသာ နေကို လှည့်ပတ်နေကြောင်း လူသိရှင်ကြား ထုတ်ဖော်ပြောကြားခဲ့ပါတယ်။ ကမ္ဘာကြီးဟာ သာမာန်ဂြိုလ်တလုံးသာဖြစ်ပြီး မိမိဝန်ရုိုးအပေါ်မှာ လည်နေသည်သာမက အခြားသောဂြိုလ်များနှင့်အတူ နေကို လှည့်ပတ်သွားလာနေပါတယ်ဆိုတဲ့ ကော့ပါးနီကပ်ရဲ့ အဆိုဟာ ပိုမိုမှန်ကန်လာကြောင်း သိလာတာနဲ့ အမျှ စင်္ကြာဝဠာကြီးမှာ မိမိတို့ ဟာ အရေးပါသူများဖြစ်တယ်ဆိုတဲ့ လူသားတွေရဲ့ ခံယူချက်ဟာ ပြိုကြသွားပြီး သေးသိမ်သွားသလို ခံစားလိုက်ရကြပါတယ်။ မိမိတို့ ဟာ အခြားသော နေစင်္ကြာဝဠာထဲက ဂြိုလ်များထက် ဘာမှ ပိုလို့ မထူးခြားတဲ့ ဂြိုလ်ငယ်လေးတလုံးပေါ်မှာ မထင်မရှားနေရတာပါလားလို့ လည်း ထင်မြင်လာကြပါတယ်။

ဒီထက်ပိုပြီး ဆိုးသွားတာကတော့ အက်ဒွင်ဟာဘယ်(လ်)ဟာ နက္ခတ်တာရာကြည့်မှန်ပြောင်းကို တီထွင်လိုက်ခြင်းပဲ ဖြစ်ပါတယ်။ အက်ဒွင်ဟာ သူ့ ရဲ့ အားကောင်းလှတဲ့ နက္ခတ်ကြည့်မှန်ပြောင်းကနေတဆင့် အာကာသတခွင်ကို ကြည့်ရှု့ လေ့လာလိုက်တဲ့အခါမှာ၊ ကမ္ဘာကြီးနဲ့ အခြားဂြိုလ်တွေ အတူတကွ ဗဟိုပြုပြီး ပတ်နေတဲ့ နေဟာ ကြယ်တခုသာဖြစ်ပြီး၊ မစ်လ်ကီးဝေးလို့ ခေါ်တဲ့ ဂလက်ဆီကြယ်စုကြီးထဲက ဘီလီယံပေါင်းများစွာရှိတဲ့ ကြယ်စုများအနက် တစ်ခုသော ကြယ်သာ ဖြစ်ကြောင်း သိလိုက်ရပါတော့တယ်။ ဒါ့အပြင် မစ်လ်ကီးဝေးလို ဂလက်ဆီကြယ်စုမျိုးဟာ စင်္ကြာဝဠာကြီးထဲမှာ ဘီလီယံနဲ့ ချီပြီး ရှိနေကြောင်းတွေ့ လိုက်ရတော့ စကြာဝဠာကြီးရဲ့ ကြီးမားမှုဟာ လူတွေရဲ့ ဥာဏ်နဲ့ တွေးယူလို့ မရအောင် ကြီးမားလှကြောင်း သိရှိလိုက်ရပါတယ်။ မီးလ်ကီးဝေးဂလက်ဆီကလည်း အခြားအခြားသော ဂလက်ဆီများထက် ဘာမှ ပိုပြီး မထူးခြားလှတဲ့ ကြယ်စုဝေးကြီးသာဖြစ်ကြောင်း သိလုိုက်ကြရတဲ့ အချိန်မှာတော့ "ကမ္ဘာမြေကြီးနဲ့ လူသားတွေဟာ ရည်ရွယ်ချက်ရှိရှိနဲ့ ဖြစ်တည်လာတာမှ ဟုတ်ပါရဲ့လား၊ မတော်တဆ တိုက်ဆိုက်စွာ အဓိပ္ပါယ်မဲ့ ဖြစ်ပေါ်လာတာလား " ဆိုတဲ့ မေးခွန်းကြီးဟာ ၂၁ ရာစုနှစ် ခေတ်မှီလူသားတွေရဲ့ အတွေးထဲမှာ နက်ရှိုင်းစွာ ဖြစ်ပေါ်လာကြပါတော့တယ်။
စကြာဝဠာကြီးထဲမှာ အခြားသော သက်ရှိများ ရှိကြပါ၏လော?
" စကြာဝဠာကြီးမှာ ကမ္ဘာလိုမျိုး ဂြိုလ်တွေဟာ မရေမတွက်နိုင်အောင်ရှိပြီး၊ မရေမတွက်နိုင်တဲ့ သက်ရှိပုံစံမျိုးစုံ ရှိကောင်းရှိနိုင်ပါတယ်။"
Robert Jastrow
စင်္ကြာဝဠာကြီးမှာ ကြယ်တွေ၊ ဂြိုလ်တွေ သန်းပေါင်း ထောင်ပေါင်းများစွာ ရှိနေကြောင်း သိရှိလာတဲ့ အချိန်မှာ၊ ကမ္ဘာလို ဂြိုလ်တွေဟာ မရေမတွက်နိုင်အောင် ရှိနိုင်တယ်ဆိုတာကို လူသားတွေ ခန့် မှန်းလာကြပါတယ်။ ဒါ့အပြင် ကမ္ဘာပေါ်ကလိုမျိုး အသိဥာဏ်အဆင့်မြင့်တဲ့ အခြားသက်ရှိသတ္တ၀ါတွေလည်း စင်္ကြာဝဠာကြီးထဲမှာ ပြန့် နှံ့ နေတဲ့ ဂြိုလ်တွေထဲမှာ ရှိကောင်းရှိနိုင်တယ်လို့ ယူဆလာကြပါတယ်။ ဒါကြောင့်လည်းပဲ SETI (Search for Extra Terrestrial Intelligence) လို့ ဆိုတဲ့ ကမ္ဘာ့ပြင်ပမှာ ရှိတဲ့ အဆင့်မြင့်သက်ရှိများကို ရှာဖွေတဲ့ စီမံကိန်းကို ၁၉၆၀ နှစ်များမှာ စတင်ခဲ့ပါတယ်။ အဲဒီစီမံကိန်းက တခြားဂြိုလ်သားတွေက အာကာသယာဉ်တွေ စီးနင်းပြီး ကမ္ဘာကို လာရောက်လည်ပတ်ဖို့ စောင့်နေခြင်းမဟုတ်သလို လူသားတွေက အခြားဂြိုလ်တွေ သွားရောက်လည်ပတ်မယ့် အစီအစဉ်မျိုးလည်း မဟုတ်ပါဘူး။ အားကောင်းလှတဲ့ ရေဒီယို တယ်လီစကုပ်တွေကို ကြယ်စုတွေဆီ ချိန်ရွယ်ပြီး အခြားသော ဂြိုလ်များကြယ်များဆီက အဆင့်မြင့်သက်ရှိတွေရဲ့ ရေဒီယိုအချက်ပြလှိုင်းတွေကို ရလိုရငြား ဖမ်းယူ လေ့လာခြင်းပဲ ဖြစ်ပါတယ်။ ယခုအချိန်ထိ အခြားကမ္ဘာကသက်ရှိတွေရဲ့ ရေဒီယိုအချက်ပြလှိုင်းတွေကို ဖမ်းယူရရှိခဲ့ခြင်း မရှိကြပေမဲ့လည်း လူတွေရဲ့ စိတ်ထဲမှာ အခြားသက်ရှိတွေ ရှိကောင်းရှိမယ်ဆိုတဲ့ စိတ်ကူးယာဉ်မှုကတော့ ပျောက်ဆုံးမသွားခဲ့ပါဘူး။

" စကြာဝဠာကြီးဟာ ဂြိုလ်ပေါင်း၊ နေအစင်းပေါင်း မြောက်မြားစွာ နဲ့  ပြည့်နှက်နေပါတယ်။ တကယ့်လို့ များသာ ကမ္ဘာကြီးဟာ အလွန့် အလွန် ထူခြားခြင်းမက ထူးခြားစွာ တည်ဆောက်ထားတာ မဟုတ်ရင် ကမ္ဘာကြီးမှာ ဖြစ်ပျက်ခဲ့သလိုမျိုး အခြားဂြိုလ်တွေမှာလည်း ဖြစ်ပျက်နိုင်ခြေရှိပြီး သက်ရှိများလည်း ရှိကောင်းရှိနိုင်တယ်။ မစ်လ်ကီးဝေးဂလက်ဆီထဲမှာတင်ပဲ ကြယ်ပေါင်း သန်းပေါင်းထောင်ပေါင်းများစွာရှိတာကြောင့် မီးလ်ကီးဝေးထဲမှာ ကမ္ဘာလို ဂြိုလ်မျိုး ရာနဲ့ ချီပြီး ရှိနေနိုင်တယ်" ဆိုပြီးတွေးဆချက် မျိုးတွေနဲ့ သက်ရှိများကို ရှာဖွေနေခြင်းတွေကို ဆက်လက်လုပ်ကိုင်လျက် ရှိပါတယ်။ SETI စီမံကိန်းနဲ့ ပြီးတဲ့နောက် ထပ်ပြီး ပေါ်ထွက်လာတာကတော့ Astrobiology လို့ ခေါ်တဲ့ သက်ရှိတို့ ရဲ့ မူလဇစ်မြစ်ကို ရှာဖွေတဲ့ သုတေသနပြု ပညာရပ်ပါပဲ။ ၁၉၉၅ခုနှစ်လောက်မှာ အစပြု သန္ဓေတည်ခဲ့တဲ့ အဲဒီပညာရပ်က နေစင်္ကြာဝဠာမိသားစုမှာ ရှိနေတဲ့ ဂြိုလ်များမှာ သက်ရှိများကို ရှာဖွေခဲ့ကြသလို အခြားသော ကြယ်များကို ၀ိုင်းရံလည်ပတ်နေတဲ့ ဂြိုလ်များမှာလည်း သက်ရှိများကို ရှာဖွေခဲ့ကြပါတယ်။ အဲဒီလိုရှာဖွေခဲ့ရာမှာ ဂြိုလ်ပေါင်း ၁၀၀ ခန့် ကို ရှာဖွေတွေ့ ရှိခဲ့ပေမဲ့ အများကတော့ ဂျူပီတာဂြိုလ်လိုမျိုး ဓါတ်ငွေ့ လုံးကြီးသာဖြစ်ပြီး မိုက်ကရုပ်လို အရိုးရှင်းဆုံးသက်ရှိလေးတွေတောင် ရှိနိုင်ဖို့ ရန် မလွယ်ကူလှပါဘူး။ အဲဒီလို ကမ္ဘာကလွဲလို့ အခြားသော ဂြိုလ်တွေမှာ သက်ရှိများကို ရှာတွေ့ ရှိဖို့ ရန် ခက်ယဉ်းလာတာကြောင့် "ဒီကမ္ဘာကြီးဟာ သက်ရှိတွေ နေထိုင်ဖို့ ထူးခြားစွာတည်ဆောက်ထားတာများ ဖြစ်လေမလား" ဆိုတဲ့ အတွေးများက လူသားတွေကို ပြန်လည်လွှမ်းမိုးလာခဲ့ပါတယ်။
သက်ရှိများဖြစ်တည်နိုင်သည့် အခြေအနေ
နေစင်္ကြာဝဠာရဲ့ အခြားသောဂြိုလ်များမှာ သက်ရှိများ ရှိမရှိသိနိုင်ဖို့ အတွက် အရင်ဦးဆုံး သက်ရှိများ ဖြစ်ပေါ်ရပ်တည်နိုင်ဖို့ အခြေခံလိုအပ်ချက်များကို ဒီကမ္ဘာကြီးမှာပဲ ရှာဖွေခဲ့ကြပါတယ်။ ဒီကမ္ဘာမှာရှိတဲ့ သက်ရှိတွေအတွက် အခြေခံလိုအပ်ချက်တွေက အခြားသော ဂြိုလ်ကမ္ဘာတခုမှာ ပြည်စုံ ကိုက်ညီခဲ့လို့ ရှိရင် အဲဒီဂြိုလ်မှာ သက်ရှိတွေ ရှိနိုင်ဖို့  အခွင့်အလမ်းပိုများနိုင်ပါတယ်။ အဲဒီလိုယူဆနိုင်တာကလဲ ဓာတုဗေဒနိယာမများနဲ့ ရူပဗေဒနိယာမများက ကမ္ဘာပေါ်မှာသာ မှန်တာမဟုတ်ပဲ စင်္ကြာဝဠာ မည်သည့်နေရာမှမဆို အမြဲမှန်နေလိုပဲဖြစ်ပါတယ်။ ဒါဖြင့်ရင် သက်ရှိတွေအတွက် အခြေခံလိုအပ်ချက်က ဘာတွေပါလဲ။
ရေရှိခြင်း

" ထမင်းအသက်ခုနှစ်ရက်၊ရေအသက်တမနက်" လို့ ဆိုကြတဲ့အတိုင်း ရေဟာ သက်ရှိတွေအတွက် မရှိမဖြစ်လိုအပ်အရာဖြစ်ပါတယ်။ ရေ လို့ ဆိုတဲ့အခါမှာ အရည်ဖြစ်နေတဲ့ ရေကို ဆိုလိုပါတယ်။ အခဲအသွင်ဖြစ်နေတဲ့ ရေခဲကို မဆိုလိုပါဘူး။ အခြားကမ္ဘာမှာ သက်ရှိများရှိမရှိ ရှာဖွေတဲ့အခါမှာ ပထမဦးဆုံး အဲဒီကမ္ဘာမှာ ရေရှိမရှိကို အရင်ရှာကြပါတယ်။ ဘာကြောင့်လဲဆိုတော့ ရေမှာရှိတဲ့ ပျော်ဝင်သတ္တိဟာ ကာဗွန်နဲ့ တည်ဆောက်ထားတဲ့ သက်ရှိတွေရဲ့ လိုအပ်တဲ့ ဓာတုပစ္စည်းတွေကို ထောက်ပံ့ဖြည့်စွက်ပေးနိုင်သလို ၊ ရေမှာရှိတဲ့ နေရောင်ခြည်အပူဒဏ်ကို စုပ်ယူနိုင်ထားစွမ်းကလည်း ကမ္ဘာမျက်နှာပြင်မှာ ညီမျှတဲ့ အပူချိန်ကို ဖြစ်ပေါ်စေပါတယ်။ ဂြိုလ်တခုမှာ ရေရှိနိုင်ဖို့ အဲဒီဂြိုလ်ဟာ သူပတ်နေတဲ့ နေရဲ့ သင့်တင့်လျှောက်ပတ်တဲ့ ဇုံအတွင်းမှာ ရှိနေဖို့ လိုပါတယ်။ အင်္ဂလိပ်လိုတော့ Habitable Zone (HZ) လို့  ခေါ်ပါတယ်။ အချို့ ကတော့ Goldilocks Zone လို့ လဲခေါ်ကြပါတယ်။ ကမ္ဘာကြီးဟာ နေမင်းကြီးကို ပတ်နေတဲ့ နေရာမှာ Habitable Zone ထဲမှာ ရှိနေပါတယ်။ ဒါကြောင့် ကမ္ဘာပေါ်မှာ ရေကိုပေါများစွာ တွေ့ ရခြင်းဖြစ်ပါတယ်။ တကယ်လို့ များ ကမ္ဘာကြီးဟာ အခုပတ်နေတဲ့ လမ်းကြောင်းထက် ၅% ပဲ ပိုနီးကပ်သွားလို့ ရှိရင် နေနဲ့ နီးကပ်စွာ ပတ်နေတဲ့ ဗီးနပ်ဂြိုလ် ရဲ့ ကြမ္မာမျိုး ကြုံရမှာ ဖြစ်ပါတယ်။ အခုရှိနေတဲ့ ရေတွေဟာ ပွက်ပွက်ဆူပြီး ဖာရင်ဟိုက် ၉၀၀ လောက်အထိ အပူချိန်တက်သွားနိုင်ပါတယ်။ အဲဒီလို ဖြစ်လာရင် ဘယ်သက်ရှိမှ ရှိနိုင်တော့မှာ မဟုတ်ပါဘူး။ အခြားတဖက်မှာလည်း ကမ္ဘာကြီးဟာ အခု ပတ်နေတဲ့ လမ်းကြောင်းထက် ၂၀% ပို ဝေးပြီး ပတ်နေခဲ့လို့ ရှိရင် ကာဗွန်ဒိုင်အောက်ဆိုဒ် တွေဟာ လေထုအပြင်လွှာမှာ ဖြစ်ပေါ်လာပြီး ကမ္ဘာပေါ်မှာ ရှိတဲ့ ရေတွေဟာ အေးခဲသွားလို့  အဆုံးမှာ မား(စ်)ဂြိုလ်လို အဖြစ်မျိုး ကြုံတွေ့ ရမှာ ဖြစ်ပါတယ်။ မား(စ်)ရဲ့ နေရာတချို့ မှာ ရေအချို့ ကြွင်းကျန်နိုင်သေးမဲ့ မား(စ်)မှာ သက်ရှိတွေရှိနိုင်ဖို့ အခြေအနေအလွန်မှ နည်းပါးပါတယ်။ ဘာကြောင့်မလို့ လဲဆိုတော့ ရေဟာ သက်ရှိတွေအတွက် မရှိမဖြစ်လိုအပ်တဲ့ အရာဖြစ်ပေမဲ့၊ သက်ရှိတွေဖြစ်ပေါ်ရပ်တည်နိုင်ဖို့ ရေတခုတည်းနဲ့ မလုံလောက်လို့ ပါပဲ။ သက်ရှိတွေဖြစ်ပေါ်ဖို့ လိုအပ်တဲ့ အချက်များစာရင်းကို ပြုစုရင်းနဲ့ ပဲ အဲဒီလိုအပ်ချက်စာရင်းဟာ တဖြည်းဖြည်းများလာပါတယ်။
အပေါ်ယံမြေလွှာရှိခြင်း

ကမ္ဘာကြီးမှာ မာကျောတဲ့ အပေါ်ယံမြေလွှာရှိပါတယ်။ အဲဒီအပေါ်ယံမြေလွှာပေါ်မှာ သက်ရှိများ မှီတင်းနေထိုင်ကြခြင်း ဖြစ်ပါတယ်။ နေမိသားစုထဲက ဂြိုလ်ဖြစ်တဲ့ ဂျူပီတာဟာ ဓါတ်ငွေ့ လုံးသာရှိပြီး မာကျောတဲ့ အပေါ်ယံမြေလွှာမရှိတဲ့ အတွက် အာကာသာယာဉ်များတောင် ဆင်းသက်လို့ မရပါဘူး။ ကမ္ဘာကြီးရဲ့ အပေါ်ယံမြေလွှာကျောကို ရွေ့ လျားနိုင်တဲ့ မြေလွှာပိုင်း (Tectonic Plates) ပေါင်း ၁၂ ခု နဲ့ တည်ဆောက်ထားပါတယ်။ ဒီအပေါ်ယံမြေလွှာဟာ အပါးဆုံး ၄ မိုင်ရှိပြီး၊ အထူဆုံး မိုင် ၃၀ ခန့် ရှိပါတယ်။ တကယ်လို့ များ ဒီမြေလွှာဟာ အနည်းငယ် ပိုပြီးထူခဲ့လို့ ရှိရင် Tectonic Plates တွေဟာ ရွှေလျားနိုင်တော့မှာ မဟုတ်ပါဘူး။ ဒါပေမဲ့ ကမ္ဘာ့မြေလွှာဟာ မှန်ကန်တဲ့အထူရှိတာကြောင့် Tectonic Plantes တွေ မကြာခဏဆိုသလို ရွေ့ လျားနိုင်တဲ့အတွက် ကမ္ဘာအတွင်းပိုင်းက အပူချိန်ကို မျှတစေပြီး၊ ကာဗွန်ဓါတ်ကို လည်း ပြန်လည် အသုံးပြုနိုင်စေပါတယ်။ဒါ့အပြင် သက်ရှိတွေအတွက် လိုအပ်တဲ့ ဓါတ်တွေကို အချိုးအစားညီမျှအောင် ရောမွှေသမပေးသလို တိုက်ကြီးတွေရဲ့ ပုံသဏ္ဍန်ကိုလည်း ပြုပြင်ပေးပါတယ်။
မှန်ကန်သော သံလိုက်ဓါတ်အား ရှိခြင်း

ကမ္ဘာမြေကြီးအတွင်းပိုင်းမှာ သံရည်ပူတွေရှိပါတယ်။ အဲဒီသံရည်ပူတွေဟာ လှုပ်ရှားလည်ပတ်နေတာကြောင့် ကမ္ဘာကြီးရဲ့ ပတ်ပတ်လည်မှာ သံလိုက်စက်ကွင်းကြီး ဖြစ်ပေါ်လာပြီး တကမ္ဘာလုံးကို ခြုံလွှမ်းထားပါတယ်။ တကယ်လို့ များ ကမ္ဘာကြီးဟာ အခုရှိနေတဲ့ အရွယ်အစားထက် အနည်းငယ်များ သေးသွားမယ်ဆိုရင် သံလိုက်စက်ကွင်းရဲ့ အားဟာ ပျော့သွားတဲ့ အတွက် နေကနေလာတဲ့ နေလှိုင်း( Solar wind) ဒဏ်ကို အကာအကွယ် မပေးနိုင်တော့ပါဘူး။ ကမ္ဘာကြီးရဲ့ လေထုလွှာဟာ နေလှိုင်းဒဏ်ကြောင့် တဖြည်းဖြည်းလျော့ပါးလာပြီး အဆုံးမှာ မား(စ်) ဂြိုလ်လိုမျိုး လေထုလွှာမရှိတဲ့ လွင်တီးခေါင် အခြေအနေမျိုး ရောက်သွားနိုင်ပါတယ်။
လေထုလွှာရှိခြင်း

ကမ္ဘာကြီးရဲ့ အရေးပါဆုံးအရာတခုကတော့ လေထုလွှာပဲ ဖြစ်ပါတယ်။ ဒီလေထုလွှာဟာ ကမ္ဘာရဲ့ အချင်းနဲ့ စာရင် ၁%တောင် မရှိပါဘူး။ အောက်စီဂျင်၊ နိုင်ထရိုဂျင် နဲ့ ကာဗွန်ဒိုင်အောက်ဆိုဒ် တွေ နဲ့  အချိုးအစားသင့်တင်စွာ ဖွဲ့ စည်းထားတဲ့ ဒီလေထုလွှာကြီးဟာ နေရောင်ခြည်ရဲ့ အဆိပ်သင့်ရောင်ခြည်များမှ အကာအကွယ်ပေးတဲ့အပြင် ညီမျှတဲ့ ဥတုရာသီကို ဖြစ်ပေါ်စေပါတယ်။ သက်ရှိသတ္တ၀ါများ အတွက် လိုအပ်တဲ့ ဓါတ်ငွေ့ များကို ဖြည့်ဆည်းပေးသလို ရေဖြစ်ပေါ်ဖွဲ့ စည်းမှုကိုလည်း ထိန်းသိမ်းပေးပါတယ်။
ကြီးမားသည့် လရှိခြင်း

ကမ္ဘာကြီးရဲ့ အရွယ်နဲ့ စာလို့ ရှိရင် လဟာ လေးပုံတပုံလောက် အရွယ်ရှိတာကြောင့် ကြီးမားတဲ့ လလို့ ဆိုနိုင်ပါတယ်။ လရဲ့ အတော်အတန်ကြီးမားတဲ့ ဆွဲငင်အားကြောင့် ကမ္ဘာကြီးဟာ ၂၃.၅ ဒီဂရီ တိမ်းစောင်းပြီး မိမိဝင်ရိုးကို လည်နေတဲ့ နေရာမှာ တည်ငြိမ်အောင် ထိမ်းထားပေးပါတယ်။ ဒီလိုတည်ငြိမ်တည့်မတ်စွာ လည်နေတာကြောင့် ရာသီဥတုဟာ ကြမ်းတမ်းလှခြင်းမရှိပဲ သာသာယာယာရှိနေတာကြောင့် သက်ရှိများ တည်ရှိနေခြင်းပဲဖြစ်ပါတယ်။
သင့်တင့်လျောက်ပတ်သည့် နေရှိခြင်း

ကမ္ဘာကြီးက ပတ်နေတဲ့ နေဟာ G-2 အမျိုးအစား ကြယ်တမျိုးဖြစ်ပါတယ်။ အဆင့်မြင့် သက်ရှိသတ္တ၀ါတွေ ဖြစ်ထွန်းဖို့ အတွက် အခုရှိနေတဲ့ နေလိုမျိုး လိုအပ်ပါတယ်။ တကယ်လို့ များ နေမင်းကြီးဟာ ဒီထက်များ အနည်းငယ်သေးသွားမယ်ဆိုရင် ( ဂလက်ဆီထဲမှာ ရှိတဲ့ ကြယ်များရဲ့ ၉၅% ဟာ နေထက်သေးငယ်ကြပါတယ်) Habitable Zone ဟာ နေနဲ့ ပိုလို့ နီးကပ်သွားပါတယ်။ အဲဒီအခါမှာ ကမ္ဘာဟာ ကြီးမားလာတဲ့ နေရဲ့ ဆွဲငင်အားကြောင့် မိမိဝင်ရိုးပေါ်မှာ လည်ပတ်မနေနိုင်တော့ပဲ အသေဖြစ်သွားနိုင်ပါတယ်။ အဲဒီလိုဖြစ်သွားရင် နေဖက်မျက်နှာမူနေတဲ့ ကမ္ဘာ့ တဖက်ခြမ်းဟာ နေရောင်ခြည်ဒဏ်ကို အမြဲခံနေရပြီး၊ ကျန်တဖက်ကတော့ အမြဲအေးနေမှာ ဖြစ်ပါတယ်။ အဲဒီလိုအခြေအနေမျိုးမှာ ဘယ်သက်ရှိသတ္တ၀ါမှ ရှိနေနိုင်ကြတော့မှာ မဟုတ်ပါဘူး။
အထက်ဖော်ပြပါအချက်အလက်များအပြင် မီးလ်ကီးဝေးထဲမှာ ကမ္ဘာကြီးဟာ သင့်တင့်တဲ့ အရပ်မှာ တည်ရှိနေခြင်း၊ ကြယ်တံခွန်များ၊ဥကာပျံများရဲ့ အန္တာရယ်တွေကနေ ကြီးမားတဲ့ ဂြိုလ်များက အကာအကွယ်ပေးမှုကို ခံထားရခြင်း စတဲ့ အချက်အလက်များကို စုဆောင်းလိုက်တဲ့ အခါမှာ သက်ရှိများဖြစ်ပေါ်ဖို့အတွက် လိုအပ်တဲ့ အချက်အလက် စုစုပေါင်း ၂၀ ခန့် ကို သိပ္ပံပညာရှင်များ စုဆောင်းရရှိလိုက်ကြပါတယ်။
သုတေသနေပြုကြသူတချို့  ဒီအချက်အလက်တွေအားလုံးပြည့်စုံနိုင်ဖို့  ဖြစ်နိုင်ခြေကို တွက်ကြပါတယ်။ လိုအပ်ချက် တခု အတွက် ဖြစ်နိုင်ခြေကို သမားရိုကျ နည်းနဲ့  ဆယ်ပုံပုံ တပုံထားပြီး တွက်လိုက်တဲ့အခါမှာ လိုအပ်ချက် အားလုံးပြည့်စုံဖို့ အတွက် ဖြစ်နိုင်ချေဟာ အရမ်းကို သေးငယ်လွန်းတာတွေ့ရပါတယ်။ ကိန်ဂဏန်းနဲ့ ဖော်ပြရရင်
၁
---------------------------------
၁,၀၀၀,၀၀၀,၀၀၀,၀၀၀,၀၀၀
မီးလ်ကီးဝေး ဂလက်ဆီထဲမှာ ကြယ်ပေါင်း ၁၀၀ ဘီလီယံရှိပါတယ်။ ၁ ဘီလီယံဟာ ၁ နောက်မှာ သုံည ၉ လုံးရှိတာကြောင့် ၁၀၀ ဘီလံယံဟာ ၁ နောက်မှာ သုံည ၁၁ လုံးသာရှိပါတယ်။ ဒီအရေအတွက်ဟာ အထက်က ဖြစ်နိုင်ခြေကိန်းဂဏန်း နဲ့ စာရင် အရမ်းကို ငယ်နေပါသေးတယ်။ ဆိုလိုတာကတော့ ဘီလီယံပေါင်းများစွာ ကြယ်တွေစုနေတဲ့ ဒီဂယ်လက်ဆီကြီးထဲမှာ ကမ္ဘာလိုမျိုး အဆင့်မြင့်သက်ရှိတွေ ရှိနေဖို့ ဆိုတာ အလွန်မှ ကို မဖြစ်နိုင်တဲ့ အရာ ဖြစ်နေကြောင်းတွေ့ ရပါတယ်။ တနည်းအားဖြင့်တော့ လူသားတွေနဲ့  သက်ရှိများဟာ ဒီဂယ်လက်ဆီကြီးထဲမှာ အလွန့် အလွန့် ကို ရှားပါးစွာ ဖြစ်တည်လာတယ်လို့  ဆိုရမှာဖြစ်ပါတယ်။
"Rare Earth"(ရှားပါးသည့် ဤကမ္ဘာ) အမည်ရှိတဲ့ စာအုပ်ကို ရေးသားသူ၊ နာဆာအဖွဲ့ မှာ တာဝန်ထမ်းဆောင်နေတဲ့ Donald Brownlee က
" စင်္ကြာဝဠာတပြင်မှာ ရှိတဲ့ ဂြိုလ်တွေထဲမှာ အရိုးရှင်းဆုံးသက်ရှိသတ္တ၀ါတွေ ဖြစ်တဲ့ မိုက်ကရုပ်လို သက်ရှိမျိုး ရှိကောင်းရှိနိုင်ပေမဲ့ အဆင့်မြင့်လှတဲ့ လူလို သတ္တ၀ါတွေလို သက်ရှိများရှိနိုင်ဖို့ ကတော့ အလွန့် အလွန်ကို မလွယ်ကူလှပါဘူး။ စင်္ကြ၀ဠာရဲ့ နေရာအတော်များများဟာ သက်ရှိတွေ အတွက် အန္တာရယ်များလှပါတယ်။ တခြားဂြိုလ်တွေဟာ ကျွန်တော်တို့ ကမ္ဘာနဲ့ ဘယ်လိုမှ ယှဉ်လို့ မရပါဘူး။ ကျွန်တော်တို့ လို ကမ္ဘာကြီးမျိုးဟာ တကယ့်ကို ရှားပါးလှပါတယ်။ ဒီကမ္ဘာကြီးဟာ သက်ရှိတွေ နေထိုင်ဖို့ တမင်သက်သက်များ ဖန်တီးထားသလိုမျိုးပါပဲ။ ကျွန်တော်တို့ သက်ရှိတွေ လိုအပ်တဲ့ လေက စလို့ အစားအစား အဆုံး ပြီးပြည့်စုံစွာ ရှိနေပါတယ်။ ဒါပေမဲ့ ဘာဖြစ်လို့ ကျွန်တော်တို့ တတွေပဲ ရှားရှားပါးပါး ဖြစ်ပေါ်လာရတာလဲ။ တိုက်တိုက်ဆိုင်ဆိုင် ကံကောင်းသွားလို့ ပဲလား ။ ဒါမှမဟုတ် အခြားအကြောင်းတကြောင်းရှိလို့ ပဲလား။"
ဖန်းဆင်းခြင်းလက်ရာများကို ဖော်ပြလိုခြင်းပေလော
လူသားတွေအပါအ၀င် သက်ရှိသတ္တ၀ါတွေ ရှားရှားပါးပါးဖြစ်တည်နေတာဟာ အလွန့် အလွန့် ကံကောင်းစွာ တိုက်ဆိုက်သွားလို့ လေပဲလား။ ဒါမှမဟုတ် ရည်ရွယ်ချက်ရှိစွာနဲ့  ဖန်တီးဖြစ်ပေါ်လာခြင်းပေပဲလား။ရည်ရွယ်ချက်ရှိခဲ့ရင်လည်း အဲဒီရည်ရွယ်ချက်က ဘာပါလဲလို့ မေးစရာ ဖြစ်လာပါတယ်။
" ကျွန်တော်တို့ သက်ရှိလူသားတွေ ဖြစ်ပေါ်တည်ရှိနိုင်ဖို့ အတွက် အခြေအနေကောင်းတွေ အလွန်ကို ရှားပါးလှပါတယ်။ အဲဒီရှားပါးလှတဲ့ အခြေအနေတွေကလည်း လူတွေအတွက် သိပံ္ပဆိုင်ရာအချက်အလက်တွေ ရှာဖွေတွေ့ ရှိဖို့ အတွက် အကောင်းဆုံးအခြေအနေတွေလည်း ဖြစ်နေတာကို တွေ့ ရပြန်ပါတယ်။"
Guillermo Gonzalez
လူသားများအပါအ၀င် သက်ရှိတွေ ဖြစ်ပေါ်ဖို့ ခက်ခဲလှကြောင်း သိလာကြပါတယ်။ ဒီလို ရှားပါးစွာ ဖြစ်တည်မှုနဲ့ အတူ သက်ရှိတွေအတွက် ရည်ရွယ်ချက်က စင်္ကြ၀ဠာကြီးကို လေ့လာနိုင်ဖို့ ပဲ ဖြစ်ပါတယ်။ အဲဒီရည်ရွယ်ချက်ကို နေကြတ်ခြင်းဖြစ်စဉ် လေ့လာရာက အစပြုပြီး နားလည်လာကြပါတယ်။
နေကြတ်ခြင်း

၁၉၉၅ ခု အောက်တိုဘာ ၂၄ ရက်နေ့မှာ အိန္ဒိယပြည်မှာ နေကြတ်ခြင်း ဖြစ်ပေါ်ခဲ့ပါတယ်။ နေကြတ်ခြင်းကို အလွန့်အလွန် ရခဲလှတဲ့ အခွင့်အရေးတရပ်အနေနဲ့ သိပ္ပံပညာရှင်များ အိန္ဒိယကို အပြေးအလွှား သွားရောက်လေ့လာခဲ့ပါတယ်။ နေကြတ်ခြင်းဆိုတာ နေနဲ့ကမ္ဘာကြားမှာ လကရောက်ရှိသွားတာကြောင့် နေ၀န်းကို လက ဖုံးအုပ်သွားတာဖြစ်ပါတယ်။ အဲဒီအချိန်မှာ နေရဲ့အလင်းကို လကဖုံးကာသွားတာကြောင့် ညပမာဖြစ်သွားပြီး နေအလင်းရောင်ကို ဖြိုးဖြိုးဖြဖြလေးသာ မြင်ရပါတော့တယ်။ ဒါပေမဲ့ လုံးလုံးဖုံးအုပ်သွားတာတော့ မဟုတ်ပါဘူး။ နေရဲ့ အ၀န်းဝိုင်းကို လရဲ့ အ၀န်းပတ်လည်မှာ ငွေနားရေးလို မြင်ရပါသေးတယ်။ နေဟာ လထက် အဆ လေးရာကြီးပေမဲ့ လက နေကနေ အဆလေးရာကွာတဲ့ နေရာမှာ ရှိနေတာကြောင့် လုံးဝဖုံးအုပ်သွားခြင်းမဟုတ်ပဲ အံကိုက်ဖုံးအုပ်သွားတာကို တွေ့ရပါတယ်။ ဒီအချက်ကို သိပ္ပံပညာရှင်များက တိုက်ဆိုင်မှုတစ်ရပ်အဖြစ် နှစ်ပေါင်းများစွာကတည်းက သတိထားမိခဲ့ကြပြီး အံ့သြခြင်းများစွာ ဖြစ်ခဲ့ကြပါတယ်။
နေကြတ်ချိန်မှာ နေရဲ့အလင်းရောင်ကို သုံးမြှောင့်ဖန်တုံး(Prism) နဲ့ကြည့်လိုက်တဲ့အခါမှာ သက်တန့်လို ရောင်စဉ်တန်းကို ရရှိပါတယ်။ အဲဒီရောင်စဉ်တန်းကို လေ့လာတဲ့အခါမှာ နေကို ဟီလီယံ ဓါတ်ငွေ့နဲ့ဖွဲ့စည်းထားတာကို လေ့လာနိုင်ခဲ့ကြပါတယ်။ ကြယ်တစ်ခုဖြစ်တဲ့ နေအကြောင်းကို သိရှိလာတာနဲ့အတူ ကျန်တဲ့ စင်္ကြာဝဠာတခွင်က ကြယ်တွေအကြောင်းကိုလည်း ပိုမိုသိရှိလာဖို့ အခွင့်အလမ်းများစွာရရှိခဲ့ကြပါတယ်။ တကယ်လို့များသာ လရဲ့အရွယ်ပမာဏဟာ အနည်းငယ်သေးသွားမယ်ဆိုရင် နေကြတ်ချိန်မှာ နေရဲ့အလင်းရောင်များလွန်းသွားတာကြောင့် နေဖွဲ့စည်းပုံကို လေ့လာနိုင်ဖို့ဆိုတာ မဖြစ်နိုင်တဲ့ အရာပါ။ လဟာ အနည်းငယ်ကြီးသွားမယ်ဆိုရင်လည်း နေကြတ်ချိန်မှာ နေတခုလုံးပိတ်သွားတာကြောင့် နေဖွဲ့စည်းပုံကို လေ့လာဖို့ဆိုတာ မဖြစ်နိုင်ပြန်ပါဘူး။ ဒါပေမဲ့ လအရွယ်နဲ့အကွာအဝေးဟာ အခုလို အံ့ကိုက်ဖြစ်သွားတာကြောင့် နေအကြောင်းကို လေ့လာနိုင်ခြင်းပဲဖြစ်ပါတယ်။ နေကြတ်တဲ့အချိန်မှာပဲ အနီးအနားက ကြယ်တွေကနေ လာတဲ့အလင်းကို လေ့လာနိုင်ခဲ့ပါတယ်။ အဲဒီကြယ်တွေရဲ့အလင်းရောင်ကနေ အိုင်းစတိုင်းရဲ့ နှိုင်းရသီအိုရီဖြစ်တဲ့ " အလင်းရောင်သည် ဆွဲငင်အားကြောင့် ကွေ့ကောက်သွားနိုင်တယ်" ဆိုတဲ့ အချက်ကိုလည်း အတည်ပြုနိုင်ခဲ့ပါတယ်။
ကမ္ဘာကို ၂၃.၅ ဒီဂရီ စောင်းပြီး မိမိဝန်ရိုးပေါ်မှာ လည်နေနိုင်စေဖို့ လက အကူအညီပေးပါတယ်။ အဲဒီလိုလည်ပတ်နေခြင်းအားဖြင့် သင့်တင့်မျှတတဲ့ရာသီဥတုကို လက ဖြစ်ပေါ်စေပါတယ်။ ကမ္ဘာဟာ နေနဲ့ သင့်တင့်မျှတတဲ့ အကွာအဝေးမှာ ရှိနေတာကြောင့် ကမ္ဘာပေါ်မှာ ရေရှိနိုင်ပြီး သက်ရှိတွေ မြောက်မြားစွာ ဖြစ်ပေါ်နေတာ ဖြစ်ပါတယ်။ နေနဲ့လ တို့က သက်ရှိတွေကို ရပ်တည်နိုင်ဖို့ ဖန်တီးပေးသလို တချိန်တည်းမှာပဲ နေကြတ်ခြင်းလို ဖြစ်စဉ်ကနေ စင်္ကြ၀ဠာအကြောင်း တစေ့တစောင်း လေ့လာနိုင်ဖို့ အခွင့်ပေးထားခြင်းလည်း ဖြစ်ပါတယ်။
ကြည်လင်သည့် လေထုလွှာ
ကမ္ဘာကြီးကို ထွင်းဖောက်မြင်နိုင်တဲ့ ကြည်လင်တဲ့ လေထုလွှာနဲ့ ရစ်ပတ်ခြုံလွှမ်းထားပါတယ်။ ပြီးခဲ့တဲ့ နှစ်လေးဆယ်အတွင်းက အာကာသယာဉ်များနဲ့ အခြားဂြိုလ်တွေကို သွားရောက်လေ့လာတော့မှပဲ လူသားတွေ နေထိုင်တဲ့ ကမ္ဘာကြီးရဲ့ လေထုလွှာရဲ့ တန်ဖိုးကို နားလည်ကြပါတော့တယ်။ နေမိသားစုရဲ့ ဂြိုလ်အလုံးပေါင်း ၇၀ ထဲမှာ ကမ္ဘာကြီးအပါအ၀င် ဂြိုလ် ၇ လုံးသာလျှင် လေထုလွှာ ရှိပါတယ်။ အဲဒီ ၇ လုံးထဲမှာမှ ကမ္ဘာ့လေထုလွှာသာလျှင် သက်ရှိဖြစ်ပေါ်မှုကို အထောက်အပံ့ဖြစ်စေပြီး ထွင်းဖောက်မြင်နိုင်တဲ့ လေထုလွှာဖြစ်ပါတယ်။ တကယ်လို့များ ကမ္ဘာ့လေထုလွှာမှာ ကာဗွန်ဒိုင်အောက်ဆိုဒ်ဓါတ်ငွေ့တွေ ယခုရှိနေတာထက် အချိုးအစား ပိုမိုများပြားစွာ ရှိနေမယ်ဆိုရင် တိုင်တန်လို့ ခေါ်တဲ့ ဂျူပီတာဂြိုလ်ကြီးရဲ့ လလိုမျိုး အဖြစ်ကို ကြုံရမှာ ဖြစ်ပါတယ်။ တိုင်တန်လမှာ ကောင်းကင်တခုလုံးဟာ ကာဗွန်ဓါတ်ငွေ့များနဲ့သာ ဖုံးအုပ်ထားတာကြောင့် ကြယ်များကို တွေ့မြင်လေ့လာနိုင်ဖို့ မဆိုထားနဲ့ နေကိုတောင် ကောင်းကောင်းမမြင်ရပါဘူး။ လူသားကမ္ဘာရဲ့ လေထုက လိုအပ်တဲ့ ဓါတ်ငွေ့တွေကို အချိုးအစား ကျနစွာ ပေါင်းစပ်ဖွဲ့စည်းထားတာကြောင့် သက်ရှိတွေရပ်တည်နိုင်ပြီး ထိုးဖောက်မြင်နိုင်ခြင်းကြောင့် စင်္ကြာဝဠာတခွင်ကို မှန်ပြောင်းများနဲ့ လေ့လာနိုင်ခဲ့ခြင်း ဖြစ်ပါတယ်။
နေအလင်းရောင်ခြည်

လူသားကမ္ဘာဟာ စင်္ကြာဝဠာကြီးထဲမှာ တိုးဝင် သွားလာနေတဲ့ အခါ နေအပါအ၀င် အနီးအနားက ကြယ်တွေရဲ့ ရောင်ခြည်တွေ ရိုက်ခိုက်မှုကို ခံရပါတယ်။ အဲဒီရောင်ခြည်တွေဟာ ဂါမာ၊ အိပ်(စ)ရေး ကနေ အနီအောက်ရောင်ခြည်၊ ရေဒီယိုလှိုင်းများအထိ ပါဝင်ပါတယ်။ အဲဒီရောင်ခြည်အများအပြားထဲမှာ ရောင်ခြည်တွေရဲ့ သေးငယ်လှတဲ့ အစိတ်အပိုင်း လေးသာ သက်ရှိတွေအတွက် အရေးပါပါတယ်။ သက်ရှိတွေကို မျက်စိအလင်းကို မြင်နိုင်စေတဲ့ အဲဒီရောင်ခြည်တွေက အပင်များအစာချက်ခြင်းလို သက်ရှိဖြစ်စဉ်တွေ အတွက် အရေးပါပါတယ်။ အမြင်အာရုံကို ဖြစ်ပေါ်စေတဲ့ အဲဒီရောင်ခြည်များကပဲ ပတ်ဝန်းကျင်ကို လေ့လာဖို့ ဖြစ်စေနိုင်ပါတယ်။ visible region လို့ ခေါ်တဲ့ အဲဒီ ရောင်ခြည်စဉ်ကို လူသားကမ္ဘာကို အလင်းပေးနေတဲ့ နေက ပေါများစွာ ဖြည့်ဆည်းပေးနေခြင်းဟာ အံ့သြစရာ ကောင်းလွန်းလှပါတယ်။
ဂလက်ဆီမှာ တည်နေရာ

လူသားများရဲ့ နေမိသားစုဟာ Milky Way လို့ ခေါ်တဲ့ ကြယ်စုဝေး ဂလက်ဆီထဲမှာ ရှိပါတယ်။ မီးလ်ကီဝေးဂလက်ဆီဟာ အထက်ကနေကြည့်ရင် ခရုခွေလို ပုံစံရှိပြီး ဘေးတိုက်ကနေကြည့်ရင် အလယ်မှာ လုံးဝန်းတဲ့ စက်ဝိုင်းပုံသဏ္ဍန်ရှိပါတယ်။ အလယ်က စက်ဝိုင်းလုံးထဲမှာတော့ ကြယ်အစင်းပေါင်းများစွာ သိပ်သည်းစွာ တည်ရှိနေပြီး Super Nova လို ကြယ်များ မကြာခဏ ပေါက်ကွဲနေတဲ့ အရပ်လည်း ဖြစ်ပါတယ်။ အလယ်ဗဟိုတည့်တည့်မှာ တွင်းနက်ကြီးရှိပြီး အနီးအနားက ကြယ်တွေကို စုပ်ယူ ၀ါးမျိုလေ့ရှိပါတယ်။ လူသားကမာရဲ့ နေဟာ ဂလက်ဆီရဲ့ အလယ်ဗဟိုမှာ ရှိခဲ့မယ်ဆိုရင် သေချာပေါက် ပျက်စီးသွားနိုင်ပါတယ်။
ဂလက်ဆီရဲ့ အစွန်အဖျားဟာ ခရုခွေပုံသဏ္ဍန် လက်တံများနဲ့ ဖွဲ့စည်းထားပါတယ်။ အဲဒီနေရာတွေအနီးအနား တလျှောက်မှာ အန္တာရယ် ဖြစ်စေနိုင်တဲ့ ဓါတ်ငွေ့များ ဖုံးလွှမ်းလျက်ရှိပြီး သက်ရှိများအတွက် လိုအပ်တဲ့ ဆီလီကွန်၊ မဂ္ဂနီဆီယံ ဓါတ်သတ္တုတွေ ရှားပါးပါတယ်။ လူသားများရဲ့ နေအဖွဲ့အစည်းဟာ အန္တာရယ် ဓါတ်ငွေ့များ ဖုံးလွှမ်းနေတဲ့ နေရာမှာ ရှိနေမယ်ဆိုရင် သက်ရှိများ ဖြစ်ပေါ်နိုင်ဖို့ အလားအလာ မရှိတော့ပါဘူး။ ဒါပေမဲ့ လူသားတို့ရဲ့နေဟာ မီးလ်ကီးဝေး ဂလက်ဆီရဲ့ အလယ်ဗဟိုနဲ့ ဝေးကွာစွာ တည်ရှိနေပြီး အန္တာရယ်များလှတဲ့ အစွန်အဖျားနားနဲ့လည်း ဝေးကွာစွာ တည်ရှိနေပါတယ်။ လူသားတို့ရဲ့ နေဟာ Galatic Habitable Zone( GZH) လို့ ခေါ်တဲ့ သက်ရှိများဖြစ်ပေါ်နေထိုင်ရာဇုံအတွင်းမှာ ရှိပါတယ်။
GHZ ဇုံအတွင်းမှာပဲ ဓါတ်ငွေ့များကင်းစင်ပြီး ကြည်လင်တဲ့ နေရာမှာ လူသားတို့ရဲ့ နေမိသားစု တည်နေပါတယ်။ ကြည်လင်တဲ့အရပ်မှာ ဖြစ်တာကြောင့် စင်္ကြ၀ဠာ ကို လေ့လာနိုင်ခွင့် ရကြခြင်းလည်း ဖြစ်ပါတယ်။ မီးလ်ကီးဝေး ဂလက်ဆီရဲ့ အလယ်မှာများသာ ရှိနေမယ်ဆိုရင် ဓါတ်ငွေ့တွေ ကြယ်တွေ နဲ့ ကာဆီးထားတာကြောင့် မြင်နိုင်တွေ့နိုင်ဖို့ရန် မဖြစ်နိုင်ပါဘူး။ ဓါတ်ငွေများ ကင်းစင်ကြည်လင်တဲ့ အရပ်ဖြစ်လို့သာ မီးကီးဝေးဂလက်ဆီရဲ့ ပုံသဏ္ဍန်ကို တွေ့မြင်နိုင်ပြီး အခြားသော ဂလက်ဆီများကို လေ့လာနိုင်ကြခြင်း ဖြစ်ပါတယ်။
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&



ပန်းပေါင်းများစွာ ရှိပေမဲ့ အချို့သောပန်းများသာ လှပစွာ ဖူးပွင့်ကြပါတယ်။ မျိုးစေ့ပေါင်းများစွာ ရှိပေမဲ့ မျိုးစေ့တခုတည်းသာ အသက်တချောင်း ဖြစ်လာပါတယ်။ လူမျိုးပေါင်းများစွာရှိပေမဲ့ လူမျိုးတမျိုးတည်းကိုသာ ဘုရားက ရွေးချယ်အသုံးပြုခဲ့ပါတယ်။ နေ၊လ၊ကြယ်နဲ့ဂြိုလ်ပေါင်းများစွာ ရှိပေမဲ့ ကမ္ဘာကြီးကိုသာ လူသားများအတွက် ရည်ရွယ်ချက်ရှိရှိနဲ့ ဖန်ဆင်းခဲ့ခြင်းဖြစ်ပါတယ်။ အဲဒီလိုဖန်ဆင်းခဲ့ရာမှာလည်း သူ့ရဲ့ လက်ရာတော်များကို ငေးမောအံ့သြစွာ မြင်တွေ့စေလိုပါတယ်။ ခန်းနားထည်ဝါလွန်းလှတဲ့ သဘာဝလောကကြီးဆိုတဲ့ ပထမစာအုပ်မှာ ဖန်ဆင်းရှင်ဘုရားသခင်က သူ့လက်ရာတော်ကို ဖွင့်ပြခဲ့ခြင်းအား ကျွန်တော်တို့လူသားများ ကောင်းစွာ သဘောပေါက်နားလည် နိုင်ကြပါစေလို ဆုမွန်ကောင်းတောင်းရင်းနဲ့ ဒီဆောင်းပါးကို နိဂုံးချုပ်အပ်ပါတယ်။ ဖတ်ရှုကြသူ လူသားများအားလုံးကို ဘုရားသခင်ကောင်းကြီးပေးပါစေ။
( The Privileged Planet Video ကို လည်း ကြည့်ရှုရန် ထည့်သွင်းဖော်ပြလိုက်ပါတယ်။)
http://www.youtube.com/watch?v=XV5zkifLSbc
နာမတော်မြတ်၌
လှမင်းသူ


(မှီငြမ်းချက်များ)
၁။ How to be born again by Billy Graham
၂။ The priviliged planet
၃။ Wikipedia
၎။ SETI

ကယ်တင်ခြင်းသင်ခန်းစာ (၂) - ထာဝရဘုရားတရားသူကြီး

သင်ခန်းစာ (၂)

ထာဝရဘုရားတရားသူကြီး 

                သင်ခန်းစာ (၁)၌ ဘုရားသခင်ကိုယုံကြည်  နိင်ရန်ဘုရားသခင်၏  အမြင်အတိုင်းမြင်ဘို့ လို သည်ဟုသိခဲ့ရပြီ။ ဘုရားသခင်၏ အမြင်သာလျှင်မှန်၍လူ၏ အမြင်သည်မှားသည်ဟုသိခဲ့ရပြီ။ အဘယ် ကြောင့် ဘုရားသခင်၏အမြင်သာလျှင် မှန်၍လူ၏အမြင်သည် မှားသည်ဟုဆိုနိင်သနည်း။


တရားသူကြီး
                အပြစ်သားများကိုတရားစီရင်သောသူသည် တရားသူကြီးဖြစ်သည်။ တရားဆုံးဖြတ်ရာတွင် တရားသူကြီး၏အမြင်အတိုင်းသာလျှင် ဆုံးဖြတ်ရသည်။ တရားခံသည် ကိုယ့်ကိုယ်ကိုမည်မျှပင် အပြစ်ကင်း၍ သြတပ်္ပစိတ်ကြည်လင် စေကာမူ တရားသူကြီးကအပြစ်ရှိသည်ဟု မြင်လျှင် အပြစ်ပေးခံရမည်သာ ဖြစ်သည်။
                ထို့ နည်းတူတလောကလုံးရှိလူသားများကိုတရားစီရင်မည့်သူသည် ထာဝရဘုရားပင်ဖြစ်သည်။  ကျမ်းစာ၌-ထာဝရဘုရားသည် ငါတို့၏ တရားသူကြီးဖြစ်တော်မူ၏-ဟုဆိုထားသည်(ဟေရှာယ ၃၃း၂၂)။ ထို့ ကြောင့် ထာဝရဘုရား၏အမြင် အဆုံးအဖြတ်သာလျှင် အတည်ဖြစ်၍ အရေးကြီးသည်။   ကျွန်ပ်နှင့် မိတ်ဆွေ၏အမြင်သည် အရေးမကြီးချေ။




ဖန်ဆင်းသောကြောင့်
                တရားသူကြီးသည်အာဏာရအစိုးရကခန့် အပ်တတ်သည်။ သို့ ဖြစ်လျှင် ထာဝရဘုရားကို မည်သူကတရားသူကြီးအဖြစ်ခန့် အပ် သနည်း။ ထာဝရဘုရားကို တရားသူကြီးအဖြစ်ခန့်အပ်သော သူသည် သူကိုယ်တိုင်ပင်ဖြစ်သည်။ အကြောင်းမှာ လူသားများကို ဖန်ဆင်းသူဖြစ်သည်။ မိဘများသည်  ကိုယ်မွေးသော သားသမီးများကို ဆုံးမပိုင်ခွင့်ရှိသကဲ့သို့ ထာဝရဘုရားလည်း သူဖန်ဆင်းသော လူသား များ အပေါ်တရားစီရင်ပိုင်ခွင့်  ရှိသည်။


မသိသော်လည်း
                မိတ်ဆွေသည် တရားသူကြီးကို မသိသော်လည်း အပြစ်ကျူးလွန်ပါက သူနှင့်ရင်ဆိုင်ရမှာဖြစ်သည်။ ထို့ နည်းတူမိတ်ဆွေအနေဖြင့် တရားသူကြီးဖြစ်သော  ထာဝရဘုရားကို မသိသော်လည်း၊ ဂရုမစိုက်သော်လည်း တနေ့ကျလျှင်သူ၏တရားစီရင်ခြင်းကို ခံရမည်သာ ဖြစ်သည်။
                ကျမ်းစာက-တဖန်တုံပလ္လင်ဖြူကြီးကို၎င်း။ပလ္လင်ပေါ်မှာ ထိုင်တော်မူသော သူကို၎င်း။ငါမြင်၏။  ကောင်းကင်နှင့်မြေကြီးသည် မျက်နှာတော် ရှေ့ မှပြေးလွင့်၍ သူတို့ နေစရာအရပ်မရှိ။ သေလွန်သော အကြီးအငယ်တို့သည် ပလ္လင်တော်ရှေ့မှာ ရပ်နေကြသည်ကိုငါမြင်၏။  စာစောင်များကိုဖွင့်ထား၏၊  အသက်စာစောင်တည်းဟူသော အခြားတပါးသောစာစောင်ကိုလည်းဖွင့်လေ၏။ သေလွန်သော သူတို့သည် မိမိတို့ အကျင့်အတိုင်း စာစောင်၌ရေးထားချက်များနှင့် အညီတရားစီရင်ခြင်းကို ခံရကြ၏။ (ဗျာ ၂၀း၁၁=၁၂)၊
                အထက်ပါတရားစီရင်ခြင်းသည် နောက်ဆုံးသောအချိန်၌ဖြစ်သည်။  ကမ်္ဘာလည်းကုန်၍ လူများ အားလုံးလည်းသေပြီးမှဖြစ်မည်။ တရားစီရင်ခြင်း ခံရမည့်သူများသည် သေလွန်သောသူများဖြစ်သည်။ လူထင်မှတ်တတ်သည်မှာ လူသည် သေလျှင်ပြဿနာကင်း၍ အေးချမ်းမည်ဟူ၍ဖြစ်သည်။
                ထိုသို့ ထင်မှတ်ခြင်းသည်စာတန်၏ လှည့်ဖျားမှုနှင့် မသိနားမလည်မှု၏ အားနည်းချက် ဖြစ်သည်။ အမှန်မှာ ပြဿနာသည် သေပြီးမှ ပိုများကာ ဘယ်သောအခါမှ ဖြေရှင်းနိင်တော့မည် မဟုတ်ချေ။ ထို့ ကြောင့် သေကြောင်း ကြံစည်ခြင်း အားဖြင့် ပြဿနာမဖြေရှင်းဘို့  သတိပေးလိုပါသည်။ မိတ်ဆွေသည် သေလွန် သော်လည်း တရားစီရင်ခြင်းခံရဦးမှာဖြစ်သည်။
                တဖန်ကျမ်းစာက- လူသည် တခါတည်းသေ၍ ထို့ နောက်မှ   တရား စီရင်ခြင်းခံရသကဲ့သို့ -ဟုဆိုထားပါသေးသည် (ဟေဗြဲ ၉း၂ရ)၊ လူသည် သေလွန်သော်လည်း  တရားစီရင်ခြင်းခံရဦးမည်။ ထို့ ကြောင့်သေခြင်း ဖြင့်ပြဿနာ မအေး သေးချေ။ တရားစီရင်ခြင်း ခံရဦးမည် ဖြစ်သောကြောင့် မသေမှီကြိုတင် ပြင်ဆင်ဘို့ လိုသည်။


မယုံသော်လည်း
                မိတ်ဆွေအနေဖြင့်ထာဝရဘုရားကို မိတ်ဆွေ၏အပြစ်စီရင်မည့် တရားသူကြီးအဖြစ် မယုံကြည် ဘဲ ဖြစ်ကောင်းဖြစ်နိင်သည်။ သို့သော်မိတ်ဆွေ၏ မယုံကြည်ခြင်းဖြင့် ထာဝရဘုရားသည် တရားသူကြီးအဖြစ်မှ လျောကျသွား မည်မဟုတ်။
                နောဧလက်ထက်၌လည်း ထာဝရဘုရားသည်မြေကြီးကို ရေလွှမ်းမိုးခြင်းအားဖြင့် တရားစီရင်မည့်အရာကိုနောဧအားဖြင့် သတိပေးခဲ့သော်လည်း ထိုခေတ်က လူများသည်မယုံကြည်ကြ။ သို့သော်သူတို့ ၏မယုံကြည်ခြင်းအားဖြင့် တရားစီရင်ခြင်းကို မဆီးတား နိင်ကြ။ ထိုမယုံကြည် သူများသည် ရေလွှမ်းမိုးခြင်းအားဖြင့် သေကြေပျက်ဆီးကြသည် (၁ ပေ ၃း၁၉-၂၀)။
                ဗာဗုလုန်နိင်ငံကိုအုပ်စိုးခဲ့သော နေဗုခဒ်နေဇာမင်းကြီးလည်းသူ့ကိုယ်သူ ချီးမြှောက်ဝါကြွားသောအခါ ဘုရားသခင်၏ တရား စီရင်ခြင်းကိုခံခဲ့ရသည်။ လူစင်စစ်မှ တိရစ်္ဆာန်စိတ်ဝင်ကာလူစုထဲမှနှင်ထုတ်ခြင်းခံခဲ့ရလေသည်။ ကောင်းကင်မှ အသံက- အမြင့်ဆုံးသော ဘုရားသခင်သည် လောကီနိင်ငံကို အုပ်စိုး၍ပေးလိုသောသူတို့ အားပေးတော်မူသည်ကို မင်းကြီး မသိ မမှတ်မီ ကာလခုနှစ်နှစ်ပတ်လုံး နွားကဲ့သို့ မြက်စားရမည်-ဟုဆို၏။ (ဒံယေလ ၄း၃၂)။
                နေုဗုခဒ်နေဇာမင်းကြီးသည် ဘုရားသခင်စီရင်သည့်အတိုင်း တိရစ်္ဆာန်ကဲ့သို့ ခုနှစ်နှစ်ဖြစ်ပြီးနောက်-အမြင့်ဆုံးသော ဘုရားသခင်ကို ကောင်းကြီးပေး၍   ထာဝရအသက်ရှင်တော်မူသော ဘုရားကို ထောမနာပြု၏။ အာဏာ တော်သည် ထာဝရအာဏာဖြစ်၏။ နိင်ငံတော်သည် ကမ္ဘာအဆက်ဆက် တည်၏။ မြေကြီးသားအပေါင်းတို့သည်ရှေ့တော်၌အဘယ်မျှမဟုတ် သကဲ့သို့ ဖြစ်ကြ၏။ ကောင်းကင်ဗိုလ်ခြေတို့၌၄င်း၊ မြေကြီးသားတို့၌၄င်း၊  အလိုတော်ရှိ သည့်အတိုင်း  စီရင်ပြုပြင်တော်မူ၏။ လက်တော်ကို အဘယ်သူမျှမဆီးတားနိင်။ အဘယ်သို့ ပြု သနည်း ဟု ကိုယ်တော်ကို ဆိုနိင်သောသူ မရှိ- ဟု ဘုရားသခင်၏ တန်ခိုးတော်နှင့် အာဏာတော်ကို ၀န်ခံသွားခဲ့ပါသည်။ (ဒံယေလ၊၄း၃၄-၃၅)။
                နေဗုခဒ်နေဇာမင်းကြီးသည် ထာဝရဘုရားသခင်ကို ယုံကြည်သူမဟုတ်။  သို့သော်ဘုရားသခင်၏ တရားစီရင်ခြင်းသည် သူကဲ့သို့  သောရှင်ဘုရင် အပေါ်လည်း သက်ရောက်၍ မငြင်းဆိုနိင်ခဲ့ချေ။ သို့ ဖြစ်လျှင်မိတ်ဆွေနှင့် ကျွန်ပ်သည် အဘယ်သို့သောသူဖြစ်၍ ဘုရား၏ တန်ခိုးတော်နှင့် အာဏာတော်ကို ငြင်းဆိုတော်လှန်နိင်မည်နည်း။


ဘုရားသခင်အပြစ်မတင်မှသာ
                ထာဝရဘုရားသည် တလောကလုံး၏ကတရားသူကြီးဖြစ်ကြောင်းသိရှိရပြီ။ ထို့ ကြောင့်ထာဝရဘုရား၏ အပြစ်တင်ခြင်းမှ ကင်းလွတ်မှသာလျှင် သက်သာရာ ရမှာဖြစ်သည်။ ကျမ်းစာက- ထာဝရဘုရားအပြစ်တင်တော်မူခြင်းနှင့်လွတ်၍ လှည့်စားတတ်သော စိတ်သဘောနှင့်ကင်းစင်သောသူသည် မင်္ဂလာရှိ၏-ဟုဆိုထားသည် (ဆာလံ ၃၂း၁-၂)။
                ထို့ကြောင့်မိတ်ဆွေအပါအ၀င် လူသားအားလုံးသည် မိမိအမြင်နှင့် အကြံအစည်အားလုံးကို စွန့် လွှတ်၍ထာဝရဘုရား သခင်၏ အမြင်အတိုင်းမြင်ဘို့ စီရင်တော်မူချက်များကို  သိရှိလက်ခံဘို့ လိုအပ်သည်။


သင်ခန်းစာ (၂)မေးခွန်းများ 
              
၁။            အပြစ်သားများကို တရားစီရင်သောသူသည် အဘယ်သူနည်း-------------။
၂။            တလောကလုံးရှိ လူသားများကို တရားစီရင်မည့်သူသည်------------ဖြစ်သည်၊
၃။            ထာဝရဘုရားသည် အဘယ်ကြောင့် တရားသူကြီးဖြစ်နိင်သနည်း၊ ---------။
၎။            မိတ်ဆွေသည် တရားသူကြီးကို မသိသော်လည်း အပြစ်ကျူးလွန်ပါက တရားစီရင်ခြင်းခံရပါမည်လော-------------။
၅။            ဗျာဒိတ်၂၀း၁၁-၁၂ ၌မည်သူတို့ တရားစီရင်ခြင်းခံရကြသနည်း။----------။
၆။            လူသည် သေသောနောက် မည်သည့်အရာ ခံရဦးမည်နည်း။----------------။
ရ။            နောဧခေတ် လူများသည် ထာဝရဘုရား၏ သတိပေးခြင်းကိုမယုံကြ သော်လည်း တရားစီရင်ခြင်းခြံကသလော၊ -----------------။
၈။            နေဗုခ်နေဇာမင်းကြီးကို မည်သူက တိရစ်္ဆာန်ကဲ့သို့ ဖြစ်အောင် တရား စီရင် သနည်း။-------------------။
၉။            နေဗုခ်နေဇာမင်းကြီးသည်မည်သူ.အုပ်စိုးခြင်းကိုပြန်ဝန်ခံခဲ့သနည်း။---------------။
၁၀။          မိတ်ဆွေ၊ ထာဝရဘုရား၏တန်ခိုးတော်၊ အာဏာတော်နှင့် တရားစီရင်ခြင်းကို ၀န်ခံပါသလား။---------------။